اسلام ٹائمز۔ جماعة الدعوة پاکستان کے مرکزی امیر پروفیسر حافظ محمد سعید نے جسقم کے رہنما مقصود قریشی اور ان کے ساتھی کی موت کے سانحہ پر جسقم رہنماء سے تعزیت کی۔ جئے سندھ قومی محاذ (جسقم) کے وائس چیئرمین نیاز کالانی سے فون پر تعزیت کا اظہار کرتے ہوئے حافظ محمد سعید نے کہا کہ مقصود قریشی کی موت کا سانحہ انتہائی افسوسناک ہے۔ انہوں نے کہا ہ حکومت کو چاہئے کہ سانحہ کی اصل وجوہات کی تحقیقات کرکے حقائق منظر عام پر لائے، اگر اس میں کوئی بیرونی یا اندرونی سازش کارفرما ہے تو اس کو بھی بے نقاب کیا جائے۔ جسقم رہنماء نے کہا کہ ہم حافظ محمد سعید اور ان کی جماعت کے مشکور ہیں کہ جو مصیبت کی اس گھڑی میں ہمارے دکھ درد میں شریک ہوئے۔