اسلام ٹائمز۔ ڈیرہ اسماعیل خان میں دہشت گردوں کی فائرنگ سے پروا کا رہائشی کرم حسین شاہ شہید ہوگئے۔ تھانہ پروآ کی حدود میں علاقہ رنگپور کے سامنے ڈسٹری نمبر پندرہ پر موٹر سائیکل پر سوار دو نامعلوم مسلح افراد نے رات کے وقت چنگ چی پر فائرنگ کر دی۔ فائرنگ سے میلہ عادل سپرا سے آنیوالا چنگ چی رکشہ سوار کرم حسین شاہ ولد مہر حسین شاہ سکنہ پروآ موقع پر ہی شہید ہوگئے۔ تھانہ پروآ میں مقتول کے بھائی فقیر حسین نے اس واقعہ کی دعویداری دو نامعلوم ملزمان کیخلاف 302-427/34PPC کے تحت درج کرا دی ہے۔