اسلام ٹائمز۔ خیبر پختونخوا کے شہر صوابی میں دارند پولیس چوکی پر دہشتگردوں نے بھاری ہتھیاروں کیساتھ بڑا حملہ کیا ہے، مگر چوکی میں موجود پولیس اہلکاروں کی منہ توڑ مسلح جوابی کاروائی سے دہشتگرد بھاگ گئے۔ حملے میں ہونیوالے جانی و مالی نقصان کی تاحال کوئی اطلاع موصول نہیں ہوئی۔ پولیس ذرائع کے مطابق 12 سے زائد دہشت گردوں نے چوکی پر دو اطراف سے حملہ کیا۔ اس حملے میں بھاری ہتھیاروں کا استعمال بھی کیا گیا۔ تاہم چوکی میں موجود 17 اہلکاروں نے بھرپور جوابی کاروائی کی، اور ساتھ ہی مذید کاروائی کے لئے نفری بھی طلب کرلی۔ بھرپور جواب ملنے کے باعث دہشتگرد پسپا ہوکر بھاگ اٹھے۔ پولیس نے علاقے میں سرچ آپریشن شروع کردیا ہے۔