اسلام ٹائمز۔ پاکستان تحریک انصاف کے چیئرمین عمران خان کے خلاف مسلم لیگ نواز کے رہنماء اور سابق ایم این اے حنیف عباسی نے ایک ارب ہرجانے کا مقدمہ دائر کردیا ہے۔ حنیف عباسی نے عدالت کو دی جانے والی درخواست میں موقف اپنایا ہے کہ عمران خان نے کنٹینر پر کھڑے ہوکر اسے منشیات فروش، جعلی دوائیاں بنانے والا کہا ہے، جس سے اس کا استحقاق مجروع ہوا ہے، لہذا عدالت عمران خان سے ایک ارب ہرجانہ دلائے۔ حنیف عباسی کی درخواست پر پر ایڈیشنل سیشن جج عبدالستار لنگاہ نے ابتدائی سماعت کے بعد عمران خان کو 22 دسمبر کے لیے نوٹس جاری کردیا ۔