کراچی کے علاقے لیاری میں کرائم برانچ کی کارروائی، 5 طالبان دہشتگرد گرفتار

اسلام ٹائمز۔ شہر قائد کے علاقے لیاری میں کرائم برانچ نے کارروائی کرکے 5 دہشت گردوں کو گرفتار کرکے ان کے قبضے سے اسلحہ برآمد کرلیا۔ ایس ایس پی کرائم برانچ شاہ جہان خان کے مطابق گرفتار دہشت گردوں کا تعلق کالعدم تحریک طالبان سے ہے، جن میں ایک غیر ملکی بھی شامل ہے اور ملزمان پشاور کی متنی چیک پوسٹ پر حملہ کرکے 8 اہلکاروں کو قتل کرنے کی واردات میں ملوث ہیں۔ شاہ جہان خان کا کہنا تھا کہ گرفتار دہشت گردوں کے قبضے سے 5 کلو دھماکا خیز مواد، ایس ایم جی، 3 رپیٹر اور پستول برآمد کی گئی ہے، جبکہ ان کا سرغنہ طارق آفریدی آپریشن ’’ضرب عضب‘‘ کے دوران مارا جا چکا ہے۔