حکومت سندھ نے دہشتگردی کے ۲۷ مقدمات فوجی عدالتوں میں بھجوا دیئے

اسلام ٹائمز۔ فوجی عدالتوں کے قیام کے بعد ان عدالتوں میں مقدمات بھجوانے کا سلسلہ شروع ہو گیا ہے۔ سندھ ہائی کورٹ کی جانب سے صوبائی حکومت کو دہشت گردی کے مقدمات کی تفصیلات فراہم کر دی گئی ہیں۔ جس کے بعد سندھ حکومت نے دہشت گردی کے ۲۷ مقدمات فوجی عدالتوں میں بھجوا دیے ہیں۔ اب ۲۱ ویں آئینی ترمیم اور آرمی ایکٹ ۱۹۵۲میں ترمیم کے بعد دہشت گردی کے یہ مقدمات فوجی عدالت میں چلیں گے اور ملزمان کے مستقبل کا فیصلہ اب انہی عدالتوں میں کیا جائے گا۔