اسلام ٹائمز۔ گلگت بلتستان قانون سازاسمبلی کے انتخابات کیلئے شیڈول جاری کر دیا گیا ہے۔ اس بات کا اعلان چیف الیکشن کمشنر گلگت بلتستان سید طاہر علی شاہ نے گلگت میں ایک نیوز کانفرنس میں کیا۔ چیف الیکشن کمشنر گلگت بلتستان سید طاہر علی شاہ ایڈوکیٹ نے کہا ہے کہ ریٹرننگ افسران امیدواروں سے کاغذات نامزدگی اس مہینے کی 26 سے 27 تاریخ کو وصول کریں گے۔ کاغذات نامزدگی کی جانچ پڑتال اس مہینے کی اٹھائیس تاریخ سے اگلے مہینے کی چار تاریخ تک کی جائے گی۔ انہوں نے کہا کہ کاغذات واپس لینے اور حتمی فہرست کی اشاعت کی آخری تاریخ اگلے مہینے کی سترہ تاریخ ہوگی جبکہ پولنگ آٹھ جون کو ہوگی۔