حکومت آزاد کشمیر سرمایہ کاروں کی حوصلہ افزائی کریگی، راجہ فاروق

اسلام ٹائمز۔ وزیراعظم آزاد کشمیر راجہ فاروق خان نے کہا ہے کہ آزاد کشمیر میں سیاحوں کو بہتر رہائشی سہولیات کی فراہمی کیلئے پبلک پرائیویٹ پارٹنر شپ ناگزیر ہے۔ حکومت سرمایہ کاروں کی حوصلہ افزائی کرے گی۔ تارکین وطن آزاد کشمیر میں سرمایہ کاری کریں ان کے سرمایہ کا تحفظ یقینی بنایا جائے گا، حکومتی مشینری بھرپور تعاون کرے گی۔ ان خیالات کا اظہار انہوں نے راڑہ کے مقام پر ہوٹل کی افتتاحی تقریب سے خطاب کرتے ہوئے کیا۔ وزیراعظم نے کہا کہ تارکین وطن نے اپنے وطن سے رشتہ جوڑا ہوا ہے ہم اس جذبے کو خراج تحسین پیش کرتے ہیں۔