پشاور:
اسلام ٹائمز۔ پشاور ہائی کورٹ کے چار مستقل ججز نے اپنے عہدوں کا حلف اٹھالیا۔ چیف جسٹس پشاور ہائی کورٹ اعجاز افضل خان نے ججوں سے حلف لیا۔ چاروں ججوں کو جوڈیشل کمیشن کی سفارش پر مستقل کیا گیاہے۔ مستقل کئے گئے ججوں میں جسٹس فصیح الملک، جسٹس مفتاح الدین، جسٹس عطاء اللہ خان، جسٹس مظہر عالم مینا خیل شامل ہیں۔ چار ججوں کی شمولیت کے بعد پشاور ہائی کورٹ میں مستقل ججوں کی تعداد 7 ہو گئی ہے جبکہ پشاور ہائی کورٹ میں 8 ایڈیشنل ججز کام کررہے ہیں۔