اسلام ٹائمز۔ انسانی حقوق کے عالمی ادارے ہیومن رائٹس واچ نے کہا ہے کہ گذشتہ سال لیبیا میں نیٹو کے فضائی حملوں میں 72 شہری ہلاک ہوئے تھے۔
غیر ملکی خبر رساں ادارے کے مطابق انسانی حقوق کے ادارے ہیومن رائٹس واچ کی جانب سے لیبیا میں معمر قذافی کی حکومت کا تختہ الٹنے والی تحریک کے دوران نیٹو کی جانب سے بمباری کی تحقیقاتی رپورٹ میں کہا ہے کہ نیٹو کے فضائی حملوں میں 20 عورتیں اور 24 بچے بھی ہلاک ہوئے تھے۔ ہیومن رائٹس واچ کے خصوصی مشیر فریڈ ابراہمس نے کہا ہے کہ فضائی حملوں کی صرف فوجی اہداف پر اجازت ہوتی ہے۔ نیٹو کے فضائی حملوں میں شہری ہلاکتوں کی تحقیقات کی جائیں اور متاثرہ خاندانوں کو مالی امداد دی جائے۔