اسلام ٹائمز۔ پاکستان کے سب سے شہر کراچی میں گزشتہ کئی روز سے مہاجر صوبہ تحریک کے نام سے مہاجر صوبہ کے حصول کے لئے ہونے والی وال چاکنگ دیواروں کی زینت بنی ہوئی ہے، اور مہاجر صوبہ کے حصول کے لئے احتجاجی مظاہرے بھی کئے جارہے ہیں، مہاجر صوبہ کی اس تحریک پر سندھ کے قوم پرست اور دیگر سیاسی حلقوں میں شدید اشتعال پایا جاتا ہے، جبکہ اس ضمن میں مہاجر صوبہ تحریک کے جنرل سیکریٹری شہزاد صدیقی نے کہا ہے کہ مہاجر صوبہ ایک حقیقت ہے جس میں مہاجر نوجوان اپنی جدوجہد کے ذریعے زندگی کے رنگ بھر رہے ہیں۔