پشاور دھماکہ

اسلام ٹائمز۔ پشاور کے علاقے گل بیلہ میں چارسدہ روڈ پر سرکاری ملازمین کی بس میں دھماکے کے باعث 21 افراد جاں بحق جبکہ 42 زخمی ہوگئے۔ جاں بحق ہونے والوں بچے اور خواتین بھی شامل ہیں۔ پولیس کے مطابق سول سیکرٹریٹ کے ملازمین کو لے کر جانے والی بس چارسدہ روڈ پر تھانہ داؤدزئی کے قریب پہنچی تو اس میں پہلے سے نصب دھماکہ خیز مواد زور دار دھماکے سے پھٹ گیا۔ دھماکہ اس قدر شدید تھا کہ اس کی آواز دور دور تک سنائی گئی۔