امریکہ کے ساتھ شمسی ائیر بیس کا کوئی تحریری معاہدہ نہیں، پرویز مشرف

اسلام ٹائمز۔ سابق صدر جنرل ریٹائرڈ پرویز مشرف نے کہا ہے کہ شمسی ائیر بیس کے حوالے سے پاکستان کا امریکہ سے کوئی تحریری معاہدہ نہیں ہے۔ دنیا نیوز سے خصوصی گفتگو میں سابق صدر پرویز مشرف کا کہنا تھا کہ امریکہ کے ساتھ شمسی ائیر بیس سے متعلق تمام معاملات زبانی طے ہوئے تھے، اس لئے شمسی ائیر بیس کو خالی کرایا جا سکتا ہے۔ ان کا کہنا تھا کہ امریکہ میں نائن الیون سانحہ کے بعد پاکستان اگر امریکہ کو ائیر بیس نہ دیتا تو بھارت تمام اڈے دینے کو تیار تھا۔