صوابی میں خواتین کالج کو بم دھماکوں کے باعث جزوی نقصان

اسلام ٹائمز۔ تعلیم دشمنوں نے ٹوپی ضلع صوابی میں خواتین کالج کو بم دھماکوں کے ذریعے جزوی نقصان پہنچایا، پولیس کے مطابق تخریب کاروں نے رات کی تاریکی میں فرنٹیئر ایجوکیشن فائونڈیشن ڈگری کالج برائے طالبات ٹوپی کی شمالی دیوار کے پاس دو بم نصب کئے تھے، جو جمعہ کی علیٰ الصبح زور دار دھماکے کے ساتھ پھٹ گئے، جس کے نتیجے میں کالج کی دیوار اور کچن کو نقصان پہنچا، ٹوپی پولیس نے نامعلوم افراد کے خلاف ایف آئی آر درج کرکے تفتیش شروع کردی ہے۔