فضل اللہ سوات سے بھاگ گئے، تعاقب کیا جا رہا ہے

اسلام ٹائمز - جنگ نیوز کے مطابق کور کمانڈر پشاور لیفٹیننٹ جنرل مسعود اسلم نے سوات میں شہدا پارک کے افتتاح کے موقع پر میڈیا سے بات چیت کرتے ہوئے بتایا کہ سوات میں آپریشن کے دوران تحریک طالبان سوات کے سربراہ مولانا فضل اللہ بھاگ گئے ہیں اور سیکورٹی فورسز ان کا تعاقب کر رہی ہیں۔ انھوں کہا کہ تمام گرفتار شدت پسندوں سے تفتیش مکمل ہو گئی ہے اور جلد انھیں عدالتوں میں پیش کیا جائیگا۔