اسلام ٹائمز۔ ڈسٹرکٹ جیل گلگت میں کالعدم دہشت گرد تنظیموں سپاہ صحابہ اور تنظیم نوجوان اہلسنت والجماعت سے منسلک قیدیوں میں گذشتہ دو ہفتے سے حالات کافی کشیدہ ہیں، دونوں گروپوں کے مابین شدید اختلافات کی وجہ سے جیل انتظامیہ سر پکڑ کر بیٹھ گئی ہے، جبکہ جیل ڈیوٹی پر مامور سکیورٹی اہلکار شدید مشکلات کا شکار ہیں۔ گذشتہ دنوں دونوں متحارب گروپوں کے مابین ہونے والی ہاتھا پائی بڑھتے بڑھتے خونی تصادم کی شکل اختیار کر گئی تھی، جس کے بعد پولیس اور پیرا ملٹری فورسز کے اضافی دستوں نے شیلنگ، لاٹھی چارج اور ہوائی فائرنگ کرکے جیل کے حالات کو کنٹرول کیا تھا۔