اسلام ٹائمز۔ قبائلی علاقہ مہمند ایجنسی میں آج شام سیکیورٹی فورسز پر دہشتگردوں کی فائرنگ کے باعث تین سیکوریٹی اہلکار شہید جبکہ دو زخمی ہو گئے۔ ذرائع کے مطابق یہ حملہ دہشتگروں نے مہمند ایجنسی میں افغان بارڈر کے قریب بائیزئی کے علاقے میں موجود سیکیورٹی چوکی پر تعینات اہلکاروں پر اچانک کیا اور فرار ھوگئے۔ ذرائع کا کہنا ہے کہ خدشہ ہے کہ یہ حملہ آور سرحد پار سے آئے تھے، جو حملہ کر کے واپس سرحد پار چلے گئے۔ تاہم آخری اطلاعات تک کسی دہشتگرد گروپ نے حملہ کی ذمہ داری قبول نہیں کی۔