ایک گولی کا جواب دس گولیوں سے دیا جارہا ہے، جتیندر سنگھ

اسلام ٹائمز۔ بھارتی وزیراعظم کے دفتر میں وزیر مملکت ڈاکٹر جتیندر سنگھ نے کہا کہ سرحدوں پر پاکستان کی ایک گولی کا جواب دس گولیوں سے دیا جارہا ہے۔ انہوں نے کہا کہ حکومت ہندوستان کی طرف سے سرحدوں پر تعینات فورسز کو معقول جوابی کارروائی کی مکمل آزادی دی گئی ہے۔ جتیندر سنگھ نے نئی دہلی میں نامہ نگاروں کی جانب سے پاکستان کے ساتھ لگنے والی بین الاقوامی سرحد پر بڑھتی ہوئی کشیدگی سے متعلق پوچھے جانے پر کہا ’’جہاں تک بھارت کا تعلق ہے، ایک گولی کا جواب دس گولیوں سے دیا جارہا ہے۔ انہوں نے کہا کہ بھارتی حکومت کی طرف سے فوج اور پیرا ملٹری کو مکمل آزادی دی گئی ہے۔