اسلام ٹائمز۔ وزیراعظم نواز شریف نےسینیئر اینکر پرسن حامد میر پر قاتلانہ حملے کی تحقیقات کے لئے جوڈیشل انکوائری کا حکم دیدیا۔ ملزمان کی نشاندہی پر ایک کروڑ روپے انعام دینے کا اعلان بھی کر دیا۔ ترجمان وزیراعظم ہاوس کے مطابق تین رکنی عدالتی کمیشن حامد میر پر قاتلانہ حملے کے واقعہ کی تحقیقات کریگا، کمیشن ارکان کی نامزدگی کے لئے چیف جسٹس سپریم کورٹ کو درخواست کی جائے گی۔ حکومت نے ملزمان کے بارے میں اطلاع دینے والے کے لئے ایک کروڑ روپے انعام کا بھی اعلان کیا ہے۔