اسلام ٹائمز۔ امامیہ اسٹوڈنٹس آرگنائزیشن پشاور ڈویژن کے نائب صدر اظہر بنگش نے کہا ہے کہ صوبائی حکومت، انجمن تاجران، اسٹوڈنٹس تنظیمیں، سیاسی و سماجی پارٹیاں اور اقلیتی برادری محرم الحرام میں امن و امان قائم رکھنے کیلئے ایک دوسرے کا ساتھ دیں تاکہ محرم میں کوئی ناخوشگوار واقعہ رونما نہ ہوسکے۔ ان حیالات کا اظہار انہوں نے محرم الحرام کی آمد پر اپنے ایک بیان میں کیا۔ ان کا کہنا تھا کہ مقصد امام حسین (ع) کو ایک اچھے انداز سے دنیا تک پہچانا ہو گا اور اس کیلئے ضروری ہے کہ عالمِ اسلام متحد ہو۔