اسلام ٹائمز۔ شمالی وزیرستان میں جاری آپریشن ضرب عضب میں کلیئرنس آپریشن کے دوران چار دہشت گردوں کو ہلاک کردیا گیا، جب کہ مقابلے میں دو فوجی جوان بھی شہید ہوئے۔ آئی ایس پی آر کے مطابق شمالی وزیرستان کے علاقے گارلا مئی میں کلیئرنس آپریشن کے دوران سیکیورٹی فورسز کی دہشت گردوں سے جھڑپ ہوئی، فائرنگ کے تبادلے میں چار دہشت گرد مارے گئے۔ دہشت گردوں سے مقابلے میں دو فوجی جوان بھی شہید ہوگئے۔