اسلام ٹائمز۔ پنجاب کی صوبائی حکومت کی طرف سے سرگودہا میں سیلاب 2014ء میں متاثر ہونیوالے گھرانوں کے مالی امداد کے پروگرام میں مبینہ کرپشن کے انکشاف پر تحقیقات کا دائرہ کار وسیع کرتے ہوئے ڈی سی او سرگودہا سے فوری رپورٹ طلب کر لی گئی ہے۔ ذرائع کے مطابق بورڈ آف ریونیو پنجاب کے ڈیزاسٹر مینجمنٹ شعبہ کی طرف سے ایسے متاثرین سیلاب کی نشاندہی اور انہیں جاری ہونیوالی لاکھوں روپے کی رقوم کی تفصیلات بھی ضلعی انتظامیہ کو ارسال کی گئی ہیں، جن کی امداد کے فنڈز جاری ہونے کے باوجود متاثرین تک نہیں پہنچ سکے۔