اسلام ٹائمز۔ پاکستان عوامی تحریک کے سربراہ ڈاکٹر طاہر القادری کا کہنا ہے کہ عالم اسلام اور پاکستان ملکر ایران اور سعودی عرب کا مسئلہ حل کرائیں۔ طاہر القادری نے لندن پہنچنے کے بعد ہیتھرو ایئرپورٹ پر میڈیا سے گفتگو میں کہا کہ پاکستان عوامی تحریک کے 14 شہداء کا انصاف صرف فوجی عدالتوں سے ہی ممکن ہے، اگر انصاف کا قتل نہ روکا گیا تو اسلام آباد میں دوبارہ دھرنے سمیت کوئی بھی انتہائی قدم اٹھانے کو تیار ہیں۔ علامہ طاہر القادری کا کہنا تھا کہ رینجرز اور فوج دہشت گردی کے خلاف عظیم جنگ لڑ رہی ہیں لیکن یہ جنگ کراچی تک محدود نہ رکھی جائے۔ پی اے ٹی کے کارکن ضمنی انتخابات میں مقامی سطح پر ایڈجسٹمنٹ کرسکتے ہیں۔