اسلام ٹائمز۔ سنی اتحاد کونسل کے چیئرمین صاحبزادہ حامد رضا نے فیصل آباد میں میڈیا سے گفتگو کرتے ہوئے کہا ہے کہ آزاد کشمیر الیکشن ن لیگ نہیں، وفاقی حکومت جیتی ہے، الیکشن میں دھاندلی کے ثبوت اکٹھے کرکے وائٹ پیپر شائع کریں گے۔ انہوں نے کہا کہ پاکستانی حکمرانوں نے بھارت کا اعتماد حاصل کرنے کے لیے کشمیریوں کا اعتماد کھو دیا ہے۔ فیصل آباد میں میڈیا سے گفتگو کرتے ہوئے سنی اتحاد کونسل کے رہنما کا کہنا تھا کہ فوری طور پرکشمیر کمیٹی کی قیادت تبدیل اور بھارت کا تجارتی و سفارتی بائیکاٹ کیاجائے۔ انہوں نے کہا کہ پارلیمنٹ غیرت کے نام پر قتل کو سنگین ترین جرم قرار دے۔