اسلام ٹائمز۔ وزیر جنگلات سردار میراکبرخان نے کہا ہے کہ مضبوط و مستحکم پاکستان ہی کشمیریوں کی منزل ہے۔ جمہوری اور معاشی طور پر مضبوط پاکستان تحریک آزادی کا ضامن ہے۔ کشمیری اور پاکستانی ایک جان دو قالب ہیں، دنیا کی کوئی طاقت الگ نہیں کر سکتی۔ پنجاب، سندھ، بلوچستان اور خیبرپختونخوا کو مضبوط و مستحکم دیکھنا چاہتے ہیں۔ صوبے مضبوط ہوں گے تو پاکستان مضبوط ہو گا اور پاکستان مضبوط ہو گا تو کشمیر کی آزادی کا ضامن ہو گا۔ ان خیالات کا اظہار انہوں نے یوم یکجہتی کشمیر کے سلسلہ میں منعقدہ تقریب سے خطاب کرتے ہوئے کیا۔