اسلام ٹائمز۔ چیف کورٹ گلگت بلتستان نے چار ماہ کے دوران 544 مقدمات نمٹا دیئے، یکم جنوری تا 11 مئی 2019ء کے دوران عدالت میں دیوانی، فوجداری اور رٹ پٹیشن پر مشتمل 577 مقدمات دائر ہوئے تھے، فاضل عدالت نے 5 سو 44 مقدمات نمٹا دیئے۔تفصیلات کے مطابق 192 دیوانی متفرقات درخواستیں دائر ہوئیں،152 پر فیصلہ ہوا، اسی طرح دیگر نوعیت کی مختلف درخواستوں اور مقدمات کو نمٹا دیا گیا۔ چیف جج وزیر شکیل احمد، جسٹس ملک حق نواز، جسٹس محمد عمر اور جسٹس علی بیگ پر مشتمل مختلف بنچوں نے سکردو اور گلگت میں دیوانی فوجداری اور رٹ پٹیشن اور توہین عدالت پر مشتمل دائر ہونے والے 5 سو 77 مقدمات میں سے 5 سو 44 مقدمات کو نمٹا دیا۔