اسلام ٹائمز۔ آرمی چیف جنرل قمر جاوید باجوہ نے کہا ہے کہ پاک فوج کو گلگت بلتستان کے عوام کو کورونا وائرس سے درپیش چینلجز کا ادراک ہے، مشکل کی اس گھڑی میں ہم جی بی کے عوام کو کبھی تنہا نہیں چھوڑیں گے۔ ڈی جی آئی ایس پی آر کے مطابق آرمی چیف نے مزید کہا کہ پاک فوج جی بی حکومت اور سول انتظامیہ کے ساتھ بھرپور تعاون کر رہی ہے اور وفاقی حکومت کے ساتھ مل کر اضافی وسائل کا انتظام کیا گیا ہے۔ انہوں نے کہا کہ پاکستانی عوام کرونا وائرس سے بھرپور طریقے سے لڑیں گے۔