اسلام ٹائمز۔ لبنانی مزاحمتی فورس حزب اللہ کے سیکرٹری جنرل سید حسن نصراللہ کے حالیہ خطاب کے بعد حزب اللہ لبنان نے شہری آبادیوں کے بیچوں بیچ تعمیر کی گئی اسرائیلی فوجی تنصیبات کے درست محل وقوع پر مبنی ویڈیو جاری کر دی ہے۔ جاری کی جانے والی فوٹیج میں غاصب صیہونی رژیم کی جانب سے حزب اللہ پر عائد کئے جانے والے "شہری آبادی کے درمیان فوجی تنصیبات قائم کرنے" کے جھوٹے الزامات کے جواب میں اعلان کیا گیا ہے کہ یہ غاصب صہیونی رژیم ہی ہے، جس نے شہری آبادیوں کے درمیان فوجی تنصیبات تعمیر کر رکھی ہیں، تاہم اُسے چاہیئے کہ وہ مزاحمتی محاذ کے خلاف کسی بھی نئی محاذ آرائی سے دور رہے!