بھارت میں کورونا وائرس کے 115736 نئے کیسز، 630 اموات

اسلام ٹائمز۔ بھارت میں کورونا وائرس (کووڈ۔19) کی وباء رکنے کا نام نہیں لے رہی ہے، گذشتہ 24 گھنٹوں کے دوران 55250 فعال معاملات میں اضافے کے بعد سرگرم مریضوں کی تعداد آٹھ لاکھ کو پارکر چکی ہے۔ بدھ کی صبح مرکزی وزارت صحت کے جاری کردہ اعداد و شمار کے مطابق ملک میں 115736 نئے کیس درج ہوئے۔ اس کے بعد متاثرہ افراد کی کل تعداد ایک کروڑ 28 لاکھ ایک ہزار 785 ہوگئی ہے۔ اس عرصے کے دوران 59856 مریض صحتیاب ہوچکے ہیں، جن میں اب تک 11792135 مریض شامل ہیں جو ابھی تک اس بیماری سے شفایاب ہوچکے ہیں۔ فعال معاملات تقریباً 55250 کے اضافے کے بعد 843473 ہوگئے ہیں۔ اسی عرصے میں اس بیماری سے مرنے والے افراد کی تعداد بڑھ کر 166177 ہوگئی ہے اور مزید 630 مریضوں کی موت ہوگئی ہے۔ ملک میں بازیابی کی شرح جزوی طور پر 92.11 فیصد پر آگئی ہے اور فعال کیسوں کی شرح 6.59 فیصد ہوگئی ہے جبکہ اموات کی شرح 1.30 فیصد ہوگئی ہے۔