سانحہ مچھ دہشتگردوں کو سپورٹ کرنے کی ریاستی پالیسی کا نتیجہ ہے، علامہ رضی جعفر نقوی

متعلقہ فائیلیںاسلام ٹائمز۔ جعفریہ الائنس پاکستان کے سربراہ علامہ سید رضی جعفر نقوی نے کہا ہے کہ پاکستان میں شیعہ مسلک کیخلاف جہادی جھتے بنائے گئے، سپاہ صحابہ اور طالبان جیسے گروہوں کو ہمارے قتل عام پر مامور کیا گیا، سرکار دو عالم (ص) نے لوگوں کو مسلمان بنایا اور پاکستان میں مسلمانوں ہی کو کافر قرار دیکر قتل کیا جارہا ہے۔ کراچی پریس کلب میں علامہ باقر حسین زیدی، علامہ فرقان حیدر عابدی، علامہ نثار قلندری، شبر رضا سمیت دیگر رہنماؤں کے ہمراہ پریس کانفرنس کرتے ہوئے علامہ سید رضی جعفر نقوی کا کہنا تھا کہ ریاست ہمیشہ دہہشت گرد گروہوں کو سپورٹ کرتی رہی ہے اور آج بھی اپنا وہی کردار ادا کررہی ہے، ہزارہ برادری کیخلاف دہشت گردی ریاست کی دہشت گردوں کو سپورٹ کرنے کی پالیسی کا نتیجہ ہے۔