بھارت ایران کیساتھ تعلقات کو مزید بہتر کرنا چاہتا ہے، ایس ایم کرشنا

اسلام ٹائمز۔ بھارتی وزیر خارجہ ایس ایم کرشنا نے کہا ہے بھارت ایران کے ساتھ اپنے تعلقات مزید بہتر کرنا چاہتا ہے۔ تہران کے مہر آباد ایئر پورٹ پر اترنے کے بعد میڈیا سے گفتگو کرتے ہوئے بھارتی وزیر خارجہ کا کہنا تھا کہ بھارت ایران کے ساتھ اقتصادی تعلقات مزید بہتر کریگا غیر وابستہ تحریک کے بانیوں میں سے ہونے کی حیثیت بھارت ایران کے ساتھ تعلقات مزید فروغ دینا چاہتا ہے۔ انہوں نے کہا بھارت اور ایران کے مابین دیرینہ دوستانہ تعلقات ہیں اور دہلی کو توقع ہے کہ دو طرفہ تعاون میں مزید اضافہ ہوگا، خاص طور پر معاشی سطح پر مزید بہتری لائی جائے گی۔