اسلام ٹائمز۔ افغانستان میں صدارتی امیدواروں عبداللہ عبداللہ اور اشرف غنی نے مخلوط حکومت بنانے کے معاہدے پر دستخط کر دیئے، غیر ملکی خبر ایجنسی کے مطابق عبدالله عبدالله اور اشرف غنی افغانستان میں مخلوط حکومت کے قیام پرمتفق ہوگئے ہیں، افغان صدارتی امیدوار عبداللہ عبداللہ کا کہنا ہے کہ یہ اقدام ملکی یکجہتی کو مضبوط کرنے کے لیے اٹھایا گیا ہے، انہوں نے امید ظاہر کی کہ مخلوط حکومت کے قیام سے افغان عوام کے مستقبل میں بہتری آئے گی، اشرف غنی کا کہنا ہے کہ فریقین نے وسیع تر قومی مفاد کے لیے ساتھ مل کر کام کرنے کے عزم کا اظہار کیا ہے۔