اسلام ٹائمز۔ دس محرم الحرام کے موقع پر دنیا بھر کی طرح کوئٹہ میں بھی یوم عاشورہ کا جلوس برآمد ہوا۔ جلوس میں عزاداروں نے نوحہ خوانی اور ماتمداری کرتے ہوئے شہدائے کربلاء کو پرسا دیا۔ مرکزی اسٹیج سے بلوچستان شیعہ کانفرنس کے صدر حاجی جواد رفیعی، امام جمعہ کوئٹہ علامہ سید ہاشم موسوی، علامہ علی حسنین الحسینی اور دیگر مقررین نے خطاب کیا۔ عزاداروں نے میزان چوک پر نماز ظہر اور عصر باجماعت ادا کی، جس میں سینکڑوں عزادار شریک تھے۔ نماز کے وقفے کے بعد عزاداری کا سلسلہ دوبارہ شروع ہوا اور ماتمی داستے مقررہ راستوں سے ہوتے ہوئے واپس علمدار روڈ پہنچ گئے۔
