صدر آصف علی زرداری سے گورنر گلگت بلتستان اور وزیر اعلیٰ کی ملاقات

اسلام آباد: صدر مملکت آصف علی زرداری سے گلگت بلتستان کے گورنر سید مہدی شاہ اور وزیر اعلیٰ گلبر خان نے ملاقات کی۔ ملاقات میں صدر مملکت کو گلگت بلتستان حکومت کے ترقیاتی منصوبوں بارے آگاہ کیا گیا۔ صدر مملکت کو گلگت بلتستان کی عوام کو درپیش مختلف مسائل بالخصوص تعلیم اور صحت کی سہولیات کی کمی اور بے روزگاری بارے بتایا گیا۔ گورنر اور وزیر اعلیٰ کی صدر مملکت کو گلگت بلتستان کے دورے، گلگت بلتستان اسمبلی سے خطاب کرنے کی دعوت بھی دی گئی۔ اس موقع ہر گفتگو کرتے ہوئے صدر مملکت کا کہنا تھا کہ گلگت بلتستان میں پن بجلی کی بے پناہ صلاحیت کو ترقی کیلئے استعمال کرنے کی ضرورت ہے۔ گلگت بلتستان کو معدنیات اور جواہرات جیسے بے پناہ قدرتی وسائل سے نوازا گیا ہے۔