اسلام ٹائمز۔ شفاف انتخابی فہرستوں کی تیاری مکمل کرنے کے لئے الیکشن کمیشن کی جانب سے سپریم کورٹ سے لی گئی مہلت آج رات بارہ بجے ختم ہو رہی ہے۔ ذرائع کا کہنا ہے کہ سندھ اور بلوچستان کے کئی اضلاع میں ووٹوں کے اندراج میں پائی جانے والی غلطیوں کو تاحال درست نہیں کیا جاسکا اوراس کام میں مزید وقت لگ سکتا ہے۔ الیکشن کمیشن نے سپریم کورٹ کو 31 مئی تک انتخابی فہرستوں کی اشاعت کی یقین دہانی بھی کرا دی تھی تاہم اب اس میں تاخیر کاامکان ہے۔ الیکشن کمیشن نے اس معاملے پر خاموشی اختیار کر رکھی ہے۔