اسلام ٹائمز۔ قائمقام چیف الیکشن کمیشنر کی زیرصدارت ہونے والے الیکشن کمیشن کے اجلاس میں چاروں صوبائی الیکشن کمیشنرز اور قائمقام سیکرٹری الیکشن نے شرکت کی۔ ذرائع کا کہنا ہے کہ اجلاس میں وزیراعظم کے خلاف توہین عدالت کیس کے فصیلے پر غور کیا گیا۔ اجلاس میں فیصلے پر عمل درآمد سے متعلق الیکشن کمیشن کے نے سپریم کورٹ سے جو وضاحت مانگی تھی اس پر بھی غور کیا گیا۔ ذرائع کا کہنا ہے کہ اجلاس میں سپریم کورٹ کے فیصلے پر کارروائی سے متعلق مزید غور وخوص کا فیصلہ کیا گیا۔