اسلام ٹائمز۔ نوشہرہ میں شدید بارش کے بعد سیلاب آگیا، جس کے نتیجے میں متعدد گھروں کو نقصان، ایک شخص جاں بحق جبکہ دو لاپتہ ہوگئے ہیں۔ ڈائریکٹر ریلیف آپریشنز پروانشل ڈیزاسٹر مینجمنٹ اتھارٹی ذوالفقار علی کے مطابق نوشہرہ میں بارساتی نالے میں طغیانی کے باعث ایک شخص جاں بحق جبکہ دو لاپتہ ہوئے ہیں، مرنے اور لاپتہ ہونے والے افراد افغان مہاجرین ہیں۔ ذوالفقار علی نے بتایا کہ ریسکیو کے کام کے ساتھ ساتھ سیلاب کے باعث ہونے والے نقصانات کا اندازہ لگایا جارہا ہے۔ ذرائع نے
اسلام ٹائمز کو بتایا ہے کہ سیلاب کے پانی کے باعث متعدد گھر متاثر ہوئے ہیں تاہم اب تک نقصان کا درست اندازہ نہیں لگایا جا سکا۔