اسلام ٹائمز۔ وزیراعظم راجہ پرویز اشرف نے گورنر بلوچستان کو ٹیلیفون کرکے کوئٹہ کی صورتحال پر تبادلہ خیال کیا۔ وزیراعظم راجہ پرویزاشرف نے گورنر بلوچستان ذوالفقار مگسی کو ہدایت کی کہ شہریوں کی حفاظت کیلئے تمام ضروری اقدامات کئے جائیں۔ ان کا کہنا تھا کہ وفاقی حکومت عوام کے تحفظ کے لیے صوبائی حکومت کی ہر قسم کی معاونت کے لیے تیار ہے۔ واضح رہے کوئٹہ میں علمدار روڈ پر ہونے والے بم دھماکہ کے خلاف کل نماز جمعہ کے بعد شہداء کی میتوں سمیت احتجاجی دھرنا دیا گیا جو تاحال جاری ہے۔ شرکائے دھرنا کا مطالبہ ہے کہ صوبائی حکومت اپنی ناکامی کا اظہار کرتے ہوئے استعفیٰ دے اور کوئٹہ کو امن و امان کے قیام کے لئے فوج کے حوالے کیا جائے۔