فاٹا کے پورے نظام کو بدلنے کی ضرورت ہے، جسٹس دوست محمد

اسلام ٹائمز۔ چیف جسٹس پشاور ہائیکورٹ جسٹس دوست محمد خان نے کہا ہے کہ ان وجوہات کا پتہ لگانے کی ضرورت ہے جن کے باعث سرحدوں کی حفاظت کرنے والوں کو خون کی دلدل میں دھکیل دیا گیا ہے۔ پشاور ہائیکورٹ میں فاٹا لائرز فورم کے زیر اہتمام منعقدہ تقریب سے خطاب کرتے ہوئے چیف جسٹس کا کہنا تھا کہ قبائلی علاقوں کے ساتھ برٹش کالونی جیسا سلوک کیا جا رہا ہے۔ فاٹا میں پارلیمانی نظام تو موجود ہے لیکن ان کے اراکین اسمبلی فاٹا کے لئے قانون سازی بھی نہیں کر سکتے۔ جسٹس دوست محمد خان نے کہا کہ فاٹا کے پورے نظام کو بدلنے کی ضرورت ہے۔