اکبر بگٹی قتل کیس کی سماعت اسلام آباد منتقل کرنیکی درخواست خارج

اسلام ٹائمز۔ سپریم کورٹ نے اکبر بگٹی قتل کیس کی سماعت کوئٹہ سے اسلام آباد منتقل کرنے کی درخواست خارج کردی ہے۔ سابق صدر پرویزمشرف نے اکبر بگٹی قتل کیس کی سماعت کوئٹہ سے اسلام آباد منتقل کرنے کی درخواست دائر کر رکھی تھی، جس کی سماعت جسٹس ناصرالملک کی سربراہی میں تین رکنی بنچ نے کی۔ عدالتی بنچ نے یہ درخواست خارج کردی۔ نواب اکبر بگٹی کے قتل میں سابق صدرپرویز مشرف کے خلاف مقدمہ اکبر بگٹی کے بیٹے جمیل بگٹی نے درج کرا رکھا ہے۔ جبکہ پرویز مشرف کے خلاف مقدمے کی سماعت کوئٹہ کی عدالت میں زیر سماعت ہے۔