پشاور، چارسدہ روڈ پر دہشتگردی کا منصوبہ ناکام بنادیا گیا

اسلام ٹائمز۔ پشاور کے علاقہ چارسدہ روڈ پر دہشتگردی کا منصوبہ ناکام بنا دیا گیا، پولیس کے مطابق شرپسندوں نے چارسدہ روڈ پر ایک سی این جی اسٹیشن کے قریب بم نصب کیا تھا، جس کی اطلاع بم ڈسپوزل یونٹ کو دی گئی۔ اہلکاروں نے بروقت بم ناکارہ بناتے ہوئے تباہی کا منصوبہ ناکام بنادیا، اے آئی جی بم ڈسپوزل یونٹ شفقت ملک کے مطابق بم پانچ کلو گرام وزنی تھا، جو گھی کے کنستر میں رکھا گیا تھا۔ بم ناکارہ بناکر دہشتگردی کی کوشش کو ناکام بنادیا گیا۔