اسلام ٹائمز۔ مجلس وحدت مسلمین کے شعبہ خیر العمل فائونڈیشن کے زیراہتمام سیلاب سے متاثرہ علاقوں میں امدادی کام جاری ہیں، متاثرین سیلاب میں الرجی اور ملیریا کے مریضوں کی تعداد بہت زیادہ ہے۔ ملتان سے جاری پریس ریلیز کے مطابق خیرالعمل فائونڈیشن کے زیراہتمام ککڑ والا اور بھٹہ موڑ پر میڈیکل کیمپ لگائے گئے، جہاں مقامی اور سینیئرز ڈاکٹر مریضوں کو چیک کیا اور ادویات بھی فراہم کیں، بیان کے مطابق گزشتہ دو روز میں ساڑھے نو سو مریضوں کو چیک کیا گیا اور ان کو ادویات بھی دی گئیں۔ مجلس وحدت مسلمین کے رہنمائوں نے مخیر حضرات سے اپیل کی ہے کہ مشکل کی اس گھڑی میں متاثرین سیلاب کی مدد کریں۔