حکومت روزگار دینے کے بجائے ٹیکسوں میں اضافہ کر کے غریب عوام کی پریشانیاں بڑھا رہی ہے، احسان اﷲ خان ٹوانہ

اسلام ٹائمز۔ پاکستان تحریک انصاف خوشاب کے رہنما اور سابق سابق ضلع ناظم خوشاب ملک احسان اﷲ خان ٹوانہ نے میڈیا سے بات کرتے ہوئے کہا ہے کہ روزگار دینے کے بجائے ٹیکسوں میں اضافہ کر کے حکومت غریب عوام کی پریشانیاں بڑھا رہی ہے۔ خوشاب میں صحافیوں سے گفتگو کرتے ہوئے پی ٹی آئی کے رہنما کا کہنا تھا کہ مسلم لیگ ن نے الیکشن کے دوران عوام سے جو وعدے کیے تھے، وہ سب جھوٹ کا پلندہ نکلے، عام آدمی کو کوئی ریلیف نہیں دیا جارہا، حکومت کی غلط پالیسیوں کی وجہ سے غریب، غریب تر اور امیر، امیر تر ہوتا جا رہا ہے۔ انہوں نے کہا کہ تحریک انصاف عوام کے حقوق کی جنگ لڑ رہی ہے۔