اسلام ٹائمز۔ جماعت الدعوۃ سرگودہا ضلعی مسئول قاری خالد محمود نے یوم دفاع کے حوالے سے منعقدہ تقریب سے خطاب کرتے ہوئے کہا ہے کہ کشمیر پاکستان کی شہ رگ ہے، اس کی آزادی امت مسلمہ اور پاکستان کیلئے بہت ضروری ہے۔ انہوں نے کشمیر کاز پر عوام الناس کو دعوت دی اور آزاد کشمیر کی اہمیت کو اجاگر کیا۔ سرگودہا میں تقریب سے خطاب کرتے ہوئے جماعۃ الدعوۃ کے ضلعی مسئول نے کہا کہ خطہ میں مستقل امن کی خاطر اقوام متحدہ کی قرارداد کے مطابق کشمیر کی عوام کو حق خود ارادیت ملنا چاہیئے۔ انڈین فورس کشمیری عوام پر جو ظلم توڑ رہی ہے انہیں بند ہونا چاہیئے۔ انہوں نے کہاکہ مقبوضہ کشمیر کی عوام سینے پر گولیاں کھا کر پاکستانی پرچم بلند رکھے ہوئے ہے۔