کشمیر کے ایشو پر تمام سیاسی جماعتوں کو یکجا ہونا ہوگا، فیصل کریم کنڈی

اسلام ٹائمز۔ پاکستان پیپلز پارٹی کے رہنماء اور سابق ڈپٹی اسپیکر فیصل کریم کنڈی کا کہنا تھا کہ پاکستان کی سیاسی جماعتیں کشمیر کے مسئلہ پر سیاست میں مگن ہیں جو اچھا شگون نہیں ہے، بھارتی میڈیا بھی زہریلے پروپیگنڈے میں مصروف ہے ایسے میں ذمہ دارانہ کردار ادا کرنے کی ضرورت ہے۔ ان خیالات کا اظہار سابق اسپیکر قومی اسمبلی فیصل کریم کنڈی نے متحدہ طلباء محاذ کے زیراہتمام تحریک آزادی کشمیر سیمینار سے خطاب میں کیا۔ انہوں نے کہا کہ تمام سیاسی جماعتیں پاکستان کی فورسز کے شانہ بشانہ کھڑی ہیں۔ کشمیر کے ایشو پر تمام سیاسی جماعتوں کو یکجا ہونا ہوگا۔ پی پی پی کشمیر کے حوالے سے ہر قسم کی قربانی اور اسپورٹ کے لئے تیار ہے۔ کشمیر کے ایشو پر سیاست نہیں ہونی چاہئے۔