اسلام ٹائمز۔ مرکزی جمعیت اہلحدیث بھکر کے ضلعی امیر زبیر محمود مغل نے میڈیا سے گفتگو کرتے ہوئے کہا ہے کہ امریکی لیڈروں کے حالیہ بیانات کو سنجیدگی سے لینا ہو گا، صدرٹرمپ کی جارہانہ پالیسی سے دنیا میں امن قائم نہیں ہو سکے گا، واشنگٹن کی طرف سے بھارت کو خطے کا تھانیدار بنانے کی کوشش تشویشناک ہے، پاکستانی قیادت کو بھی ہوش کے ناخن لینا ہو ں گے، بعض آمر حکمرانوں نے امریکہ نوازی کی آخری حدوں کو چھو لیا تھا۔ انہوں نے مطالبہ کیا کہ حکومت پاکستان خارجہ پالیسی کو نئے حالات کے مطابق تشکیل دے۔