بھارت اسلحہ کی نوک پر کشمیریوں کو غلام نہیں رکھ سکتا، قاضی عبدالقیوم

اسلام ٹائمز۔ نام نہاد انسانی حقوق کے علمبرداروں، امریکہ کو برما اور مقبوضہ کشمیر میں مظالم نظر نہیں آ رہے جہاں بے گناہ مسلمانوں کی نسل کشی جاری ہے ان خیالات کا اظہار مسلم لیگ (ن) آزادکشمیر کہوٹہ کے صدر قاضی عبدالقیوم نے اپنے بیان میں کیا۔ انھوں نے کہا کہ بھارت اسلحہ کی نوک پر کشمیریوں کو غلام نہیں رکھ سکتا، تمام مسلم قوتیں اپنے اختلافات کو بھلا کر متحد ہو جائیں ورنہ غیر مسلم قوتیں مظالم ڈھاتی رہیں گی۔