اسلام ٹائمز۔ شہر قائد میں نجی اسکول کے طالب علم نے اسکول کی تیسری منزل سے چھلانگ لگا کر خودکشی کرلی۔ تفصیلات کے مطابق کراچی کے علاقے فیڈرل بی ایریا میں واقع پرائیویٹ اسکول کے طالب علم نے تیسری منزل سے چھلانگ لگا کر خودکشی کرلی ہے، ساتویں جماعت کا طالب علم حبیب اللہ سمن آباد کا رہائشی تھا۔ پولیس حکام کا دعویٰ ہے کہ بچہ شوگر کا مریض تھا، اسے آئے روز دورے بھی پڑتے تھے، جس سے دلبرداشتہ ہو کر بچے نے خودکشی کی، حبیب اللہ کے والدین نے اسکول میں میڈیکل رپورٹس بھی جمع کرا رکھی تھیں۔ پولیس کے مطابق یہ ابتدائی معلومات ہیں، واقعے کی مکمل تحقیقات کی جائیں گی اور اسکول کی عمارت کے قریب لگے سی سی ٹی وی کیمروں سے بھی مدد لی جائے گی۔