اسلام ٹائمز۔ دبئی میں جائیدادیں بنانے والے خیبر پختونخوا کے 47 افراد کے نام سامنے آگئے، ایف آئی اے نے 22 افراد کو نوٹس جاری کردیئے ہیں۔ خیبر پختونخوا سے تعلق رکھنے والے 47 افراد کے دبئی میں اثاثے بنانے میں نام سامنے آئے ہیں۔ وفاقی تحقیقاتی ادارے ایف آئی اے پشاور نے 22 افراد کو نوٹسز جاری کردیئے۔ ایف آئی اے ذرائع کے مطابق دیگر افراد کے حوالے سے معلومات ملنے پر مزید نوٹسز جاری کئے جائیں گے، تمام افراد کے اثاثوں کی چھان بین شروع کردی گئی ہے۔ ایف آئی اے نے تحقیقاتی ٹیمیں تشکیل دیدی ہیں جو اثاثے بنانے والوں کی آمدن سے متعلق تحقیقات کریں گی۔