اسلام ٹائمز۔ آل جموں کشمیر مسلم کانفرنس کے صدر سردار عتیق احمد خان نے کہا ہے کہ الحاق پاکستان اور خودمختار کشمیر صرف دو ہی نظریے ہیں، الحاق ہندوستان کے تیسرے نظریہ کی کشمیر میں کوئی گنجائش نہیں، آٹھ لاکھ ہندوستانی فوجیوں کی موجودگی میں مسلمہ قائد یٰسین ملک پاکستان کا پرچم ہاتھ میں لے کر ہندوستان کی مخالفت کر سکتے ہیں تو یہاں کیوں ممکن نہیں، خودمختار کشمیر کے نام پر پاکستان اور افواج پاکستان کے خلاف بیان بازی کرنے والے لبریشن فرنٹ کو کمزور کر رہے ہیں۔ لبریشن فرنٹ کی قیادت کو چاہیے کہ ایسے عناصر پر نظر رکھے۔